amfani da maganin tazarar haihuwa wato implan

 MAGANIN RIKICEWAR JININ HAILA :

TAMBAYA TA 2282
*******************
Assalam, malam dan Allah sakaye sunana. Yaya aiki? Malam nice nake amfani da maganin tazarar haihuwa wato implan yanzu wata na hudu kenan, to kwanan nan se ya fara min wasa da al'ada ta, se nayi sati biyu ya dawo wannan karon kam ma bekai sati daya ba ya dawo, naga yadan zubo se kuma ban gani ba kuma a wannan rana ina azumi shin malam menene hukuncin sallah ta da azumi na? Shin wannan jini ya zama na ciwo ne ko kuma? Domin an bani magani a asibiti domin ya gyara min. Malam ayi hakuri zanso a tura min amsar ta nan. Nagode.

AMSA
*******
Wa alaikis salam wa rahmatullahi wa barakatuhu.

Su kwayoyi ko alluran tazarar haihuwa sukan yi kokarin chanza yanayin halittar Mace ne daga ainahin ginin farko wanda Ubangiji ya halicceta akansa. Don haka dole arika samun matsaloli marassa adadi.

Mafiya yawan Matayen dake shiga wannan tsarin sai, sun sha fama da rikicewar jinin Al'ada. Wasu ma ciwuka da jinyoyi kala-kala a sassan jikinsu.

Kuma mafiya yawan lokuta, Kwayoyin da alliran da ake bayarwa daga baya domin daidaituwar jinin basu cika yin aiki ga kowacce Mace ba.

Koda acikin wannan satin na tattauna da wata baiwar Allah wacce ta ta'ba shiga wannan tsarin yin allurai na tazarar haihuwa din. Tace mun awani babban asibiti da taje ta hadu da Mataye sama da guda ashirin wadanda suke yin wannan tazarar, amma kowacce tana fama da irin nata matsalolin.

Ga wasu abubuwa nan ki jarraba ko zaki dace :

1. Man Albabunaj da Man Habbah ahadasu waje guda arika shan cokali guda safe da yamma.

2. Garin Ganyen Magarya arika jikawa ana shansa har na tsawon sati biyu. In sha Allahu za'a dace.

Ba'a yin la'akari da 'digon jini wanda yake zuwa bayan Mace ta riga ta kammala jinin haila tayi wanka. Don haka azuminki da sallolinki da kikayi suna nan.

WALLAHU A'ALAM.