Skip to main content

Tushen ilhadi

 Tushen Ilhadi shi ne kalubalantar abin da Annabi (saw) ya zo da shi na Alkur'ani da Sunna da ra'ayi da tunani da hankali da Falsafa. Wannan ya sa ba za ka taba samun wanda yake kalubalantar Hadisan Annabi (saw) da ra'ayoyinsa da yake zayyana su da sunaye kala-kala, da sunan ilimi ko zurfin tunani ko hazaka ko kaifin kwakwalwa da kaifin basira face yana kiyayya ga abin da ya saba ra'ayinsa cikin Hadisan Annabi (saw), har ya wayi gari yana fatan da Annabi (saw) bai fadi Hadisin ba. Ta yadda da zai samu daman goge Hadisin daga Sahihul Bukhari da Muslim to da zai yi.

Al-Subkiy ya ambaci maganar Ahmad bn Sinan a cikin littafinsa ya ce:
ليس في الدنيا مبتدع إلا يبغض أصحاب الحديث وإذا ابتدع الرجل نزعت حلاوة الحديث من قلبه
طبقات الشافعية الكبرى للسبكي (2/ 6)
"A Duniya babu wani dan bidi'a face yana kin Malaman Hadisi, idan mutum ya kirkiri bidi'a za a cire zakin Hadisi a zuciyarsa".
Shi ya sa wani babban gungume cikin 'Yan Bidi'a magabata ya ce: Idan sun kafa muku hujja da Hadisi to ku karyata ku ce: Hadisin zato ne, in kuma sun kafa muku hujja da Ayar Alkur'ani to ku kalubalance su ku yi tawilinta ku ce: Majaaz ne.
Wannan ya sa za ka ga kowane daya daga cikinsu ba ya so ana karanta Hadisai ana isar da su ga al'umma, kawai so suke ana boye Hadisan ana hana yada su da isar da su ga mutane, alhali Annabi (saw) ya yi umurni da isar da su. Kuma Allah ya zargi masu boye abin da ya saukar ga Manzonsa (saw) sawa'un Alkur'ani ne ko Sunna, alhali su kuma wadannan sun zabi suna boye su, kawai don kalubalantar Allah da Manzonsa da karyata maganarsu.
Wannan ya sa Sayyidina Umar (ra) ya ce: ku kiyayi mabiya ra'ayi (sawa'un ra'ayi da sunan Falsafa ko Ilmul Kalam ko Fiqhu), saboda makiya Hadisai ne. Saboda a lokacin da haddace Hadisai ya gagare su, suka kasa fahimtarsu sai suka kalubalance su da ra'ayoyinsu, suna magana a Addini da ra'ayi.
A takaice; duk wanda ka ga yana kin wani abu na Alkur'ani ko Sunna to yana da kaso na kiyayya ga Annabi (saw) gwargwadon kinsa ga Hadisan nasa. Kin Annabi (saw) kuwa aiki ne na Shaidanun Mutane da Aljanu. Don haka babu mai kalubalantar Annabi (saw) da ra'ayinsa da Falsafarsa sai Shaidanin mutum makiyin Annabawa. Allah ya ce:
وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا } [الأنعام: 112]
Rubutawar. Dr. Aliyu Muh'd Sani

Comments

Post a Comment

Popular posts from this blog

Magungunan Musulunci Fitowa Ta farko

HABBATUS-SAUDA: Daga Nana A'isha (RA) ta ce: "Manzon Allah (SAW) ya ce: wannan Habbatus-Sauda waraka ce daga dukkan cuta sai dai mutuwa. FA'IDOJINTA: Idan aka damqata aka dama da zuma aka sha da ruwa mai zafi tana narkar da tsakuwar ciki. Tana vuvvugar da fitsari da haila da nono, idan aka sha zuwa kwana biyu. Tana maganin kuturta. Tana amfani wajen rage majina. Ana dandaqata a zuba a wani qyalle a shaqa don maganin ciwon kai nan take, da mura. Shan ta da ruwa yana da amfani ga mai numfashij da qyar. Don haka tana matuqar taimakawa mai Asma. Hakanan mun tato sinadaranta mun zuba a wani magani mai suna (TASIRI DAGA ALLAH), don haka za ku iya neman wannan magani. ARRAIHAN/XOXXOYA Raihan tsiro ne mai qamshi, ana shuka shi a kudancin Asiya da Iran da wani vangare na Africa da tsakiyar America. Allah (S.W.T) yana cewa: " ﻓﺄﻣﺎ ﺇﻥ ﻛﺎﻥ ﻣﻦ ﺍﻟﻤﻘﺮﺑﻴﻦ * ﻓﺮﻭﺡ ﻭﺭﻳﺤﺎﻥ ﻭﺟﻨﺔ ﻧﻌﻴﻢ " Amma wanda ya kasance daga cikin makusanta hutu da bishiyar Raihan da Aljanna sun tabbata a gare sh...
Post a Comment
Read more

amfani da maganin tazarar haihuwa wato implan

  MAGANIN RIKICEWAR JININ HAILA : TAMBAYA TA 2282 ******************* Assalam, malam dan Allah sakaye sunana. Yaya aiki? Malam nice nake amfani da maganin tazarar haihuwa wato implan yanzu wata na hudu kenan, to kwanan nan se ya fara min wasa da al'ada ta, se nayi sati biyu ya dawo wannan karon kam ma bekai sati daya ba ya dawo, naga yadan zubo se kuma ban gani ba kuma a wannan rana ina azumi shin malam menene hukuncin sallah ta da azumi na? Shin wannan jini ya zama na ciwo ne ko kuma? Domin an bani magani a asibiti domin ya gyara min. Malam ayi hakuri zanso a tura min amsar ta nan. Nagode. AMSA ******* Wa alaikis salam wa rahmatullahi wa barakatuhu. Su kwayoyi ko alluran tazarar haihuwa sukan yi kokarin chanza yanayin halittar Mace ne daga ainahin ginin farko wanda Ubangiji ya halicceta akansa. Don haka dole arika samun matsaloli marassa adadi. Mafiya yawan Matayen dake shiga wannan tsarin sai, sun sha fama da rikicewar jinin Al'ada. Wasu ma ciwuka da jinyoyi kala-kala a sassa...
Post a Comment
Read more

Haila

  Haila Bayanin menene haila Kalmar (Haila) a larabci Tana nufin Kwararar wani abu da gudanar shi Ma’anar (Haila) a shari’a Wani jini ne da yake fita daga mahaifar mace, a wasu lokuta sanannu, ba tare da wani dalili ba. Siffar Yadda Jinin Haila Yake Baqi ne wuluk, kamar wanda aka qona, warinsa bai da daxi, mace tana jin xumi mai tsanani idan ya zo. Shekarun Fara Jinin Haila Babu wasu shekaru qayyadaddu na fara al’ada, wannan ya danganta ne da savanin xabi’ar mace da inda take rayuwa da yanayin wajen, don haka duk lokacin da mace ta ga jinin haila to haila ce. Tsawon Lokacin Haila Haila ba ta da wani lokaci, sananne, cikin mata akwai masu yin kwana uku, akwai masu kwana huxu. Galibin haila dai kwana shida ne ko bakwai, saboda faxin Manzon Allah ( صلى الله عليه وسلم ) ga Hamnatu ‘yar Jahshin – wanda ta kasance tana yin haila kwanaki masu yawa –  “Ki yi haila kwana shida, ko bakwai, da ilimin Allah, sannan ki yi wanka”  [Abu Dawud ne ya rawaito shi] Mas'aloli 1 - A qa'ida ma...
Post a Comment
Read more